((بسم الله الرحمن الرحيم))
السيد المحترم فضيلة الشيخ شيخ الازهر / اما بعد :
انا اسمى شريف السيد رشاد جلبى المتولى طالب فى معهد منية النصر الاعدادى الثانوى بمحافظة الدقهلية مركز منية النصر انا فى الصف الاول الثانوى العلمى اتقدم اليك بشكواى فى استاذ مواد شرعية فى المعهد يدعى الاستاذ / جهاد سعد أبو زيد من محافظة الدقهلية الدراكسه مركز منية النصر .
ان هذا المدرس كنت انا وزملائى نذهب عنده درس خصوصى وعندما اكتشفنا انه لن يشرح شئ لا فى المعهد ولا فى الدرس الخصوصى اضطررنا ان نتركه ولا نذهب عنده فدخل علينا فى المعهد فجعل يقول لنا (( انتم مش بتيجوا الدرس ليه والله العظيم لازم اخليكم تصقطوا وزى منجحتكوا فى الترم الاول وخليكتو تجيبوا عشرين من عشرين لازم اخليكم تصقطو فى الترم التانى وقال ورحمة ابويا لازم تصقطوا فاحترمناه كل الاحترام ولم نرد عليه ولو بكلمة واحده لانه مهما كان مدرس ثم جاء واخذ يسألنا فى المنهج ويضربنا مع اننا كنا نجاوب ومن عادته انه كان لا يسألنا ابدا عندما كنا نذهب عنده الدرس ثم قال والله لازم ادخل لكم فى امتحان الشفوى ومش هعطيكم ولا درجه لان المعهد ده كله تحت امرى وانا مش استاذ عادى ثم جاء بعد ذلك وجاء يضربنا بيده على خدودنا ويقول ناقص من الواجب 3 دروس وهو اصلا مش بيشرح خالص .احنا كنا غايبين فى يوم سبت فجاء يوم الاحد ويقول لنا اننا ناقصنا 3 دروس طب ازاى والصبوره متمسحتش من يوم الخميس ليوم الاحد الصبح ازاى شرح الدرس واعطى عليه واجب ومجهود والصبوره لم تمسح من يوم الخميس وعندما ذهبنا الى ادارة المعهد كالعاده لما تساعدنا وظل الحال كما هو عليه وكل يوم يتمادى فى اخطاء كثيره ومع ذالك نحن نحترمه كأستاذ ولكننا قررنا الا نسكت على هذه الفوضى لاننا بصراحه ظلمنا كثيرا ولو تكتلمت فى ماذا يفعله بنا لسوف احتاج صفحات وصفحات حتى اقول مافى وسعى ..فأرجوا من فضيلة الامام شيخ الازهر ان يساعدنا ويتخذ قرارا لحل هذه المشكلة ..
ولكم جزيل الشكر .
الطالب /شريف السيد
