معلم بالازهر يطلب النقل من بورسعيد الى الدقهلية

انا اعمل مدرس لغة عربية في معهد القابوطي الابتدائي ببور سعيد حيث جاء تعييني هناك رغم انني من المنصورة السبلاوين شبراهور وظروفي الاجتماعية والمادية لايحسدني عليها احد انا متزوج واعول ولدين ووالدي متوفي فاعول امي ايضا وليس لي دخل غير الراتب ومصارف مواصلاتي في اليوم كي اذهب للمعهد واعود فقط 30 جنيه علي الاقل اقسم بالله بقالي 5ايام لم اذهب للمعهد لاني والله مش معايا فلوس خالص وعليا ديون كتير لناس كتير حتي السواقين والله ما فيه في بيتي جنيه ناكل ونشرب وعلاج للعيال وعيش وغاز وكهرباء وجبنة بلاش لحمة لاننا نسيناها اصلا انا يا مولانا مش بشحت ولا عمري اعمل كده حتي لو هنموت همن الجوع واتذل لخلق الله عشان خاطر عيالي تعيش انا مش طالب غير اتنقل لبلدي من بورسعيد الي الدقهليه السنبلاوين لا تدري والله كم العناء الذي الاقيه في زهابي وايابي للعمل لا تدري والله انا عايش ازاي انا بتدمر وبيتي بيتخرب ومش عارف اشتغل في حاجة زيادة لان اليوم كله ضايع بصحي الفجر ارجع المغرب والله بستلف علي الراتب قده علشان بس مواصلاتي خلي اي حد بتحبه مكاني هيعيش ازاي وهيعمل ايه غير البكاء والذل للناس والنحيب علي الحظ الاسود لاني ليس لي ظهر ليس لي احد ينقذني مما انا فيه دي تاني مرة ارسل لحضرتك ومفيش اي رد ابوس ايدك انقلني احنا بنموت والله من انعدام كل المقومات حوالينا يارب يارب يارب امتني اذا كان الموت خيرا لي ابوس ايدك انقلني بلدي انا معرفش غير التدريس اشتغل فيه وراضي بالراتب اللي بستلف عليه الحمدلله بس ربنايدومها فارجوك كن السبب في انقاذي انا وامي ومراتي واولادي بالله عليك ترد عليا بالله عليك تنقلني بسرعه ياريت انهردا قبل بكره انا مش عارف اروح الشغل وشيخ المعهد عمال بيشطب عليا مش عارف ايه اللي هيحصل انا هروح بكره اتصرفت باعجوبة في حق المواصلات احنا متبهدلين اوي يا مولانا انا حلمي بسيط ومش عايز غيره هو ده امل في الدنيا اتنقل بلدي ارجوك ابوس ايدك حل لي المشكله يارب
مقدمة من :
محمد السيد السعيد علي حجاج