رصف شارع المنشية طوابق فيصل

من اكتر من سنة و الحى كل فتره يجيب الحجر الجيرى اللازم لرصف شارع المنشية طوابق فيصل وبعد ميتفرش و يدك من العربيات اللى اتكسرت والعفشة بتاعتها باظت و طبعا المواطن صاحب العربيه يدفع و يصلح يجى الحى يقول اخخخخخخخ دة لسة هنحفر تانى علشان مواسير الصرف ومن تانى يجيبوا الطوب والناس تفرح و تقول خلاص الشارع هيترصف بس يا خساره اخخخخخخخ لسه هنحفر تانى علشان مواسير الميه و خد عندك بقى مره غاز و مرة كهرباء و بعدين نرجع نعيد من الاول صرف-مياة-كهرباء-غاز و فى كل مرة تيجى عربية الطوب اللى ببلاش طبعا و ده من سنه واكتر ؟
كمان زحمة فيصل والهرم اللى كل يوم كل و سائل الاعلام مشكوره تقول انهم زحمة طب و بعدين
ليه ميخلوش الشارع اتجاه واحد فقط يبق فيصل داخل والهرم طالع او العكس
او ليه ميشلوش الجزيرة اللى فى شارع فيصل(الرصيف الاوسط)اللى عرضه 3 متر ولا علشان الناس بترمى الزباله فية و لو اتشال الناس هترمى الزبالة فين؟