ظلم باسكان محافظه البحر الأحمر

الى السيد وزير الأسكان …..
انا أب لطفلين اعيش بمدينه الغردقه بمحافظة البحر الاحمر منذ عشر سنوات …..
اعمل بمجال السياحه وقد تقدمت بطلب الحصول على شقه ولم يصبنى الدور وعندما تظلمت فى مجلس المدينه وفى المحافظه كان الرد
“اصلك لازم تكون عايش فى الغردقه من 15 سنه وبطاقتك عمرها بس 10 سنين فأنت طلبك مستبعد”
هل يعقل هذا الكلام ….
يعنى هو اللى عايش بقالوه 10 سنين فى شقه ايجار ده مش حرام
مش حرام بدفع 600 جنيه شهريا من قوت اولادى
السيد الوزير …… اريد حلا لموضوعى لم اعد استطيع دفع هذا المبلغ شهريا ومتطلبات واعباء الحياه تزداد يوم بعد يوم ولا استطيع شراء شقه تمليك لأن ببساطه كده اقل شقه هنا فى الغردقه ثمنها من 150000جنيه الى 180000جنيه وبدون تشطيب
اى مرتب هذا اللذى يكفى ايجار 600 جنيه شهريا واكل وكهرباء وغاز ومواصلات وحضانات لطفلين ولبس وعلاج
مع العلم ان مرتبى 1500 جنيه
طيب اعيش ازاى واجيب شقه منين
والشرط فى المحافظه انى استنى 5 سنين كمان عشان يصيبنى الدور
ده لو عرفت اعيش 5 شهور كمان بهذا الحال
ارجو النظر لشكواى بعين الأب رب الأسره
ولكم منى فائق الأحترام والتقدير

اسعد حليم ميخائيل