ضد الحشو فى مواد الثانوية العامة

شكوى لسيادة وزير التربية والتعليم
==================
انا طالب بالثانوية العامة علمى علوم وعلى حسب قرار الوزير السابق اللى كان قبل سيادتك كانت موادى الاساسيه اللى هتقصر على مجموعى 6 مواد 3 مواد مجموعه اللغات (عربى وانجليزى واللغة الثانية) وكانت 3 مواد عباره عن مواد التخصص اللى هما الكيمياء والفيزياء والاحياء وكان فيه 3 مواد مش هيقصروا على المجموع هما التربيه الدينيه والتربيه القموميه والجيولوجيا اللى وجودها اساسا غلط لانها بعيده كل البعد عن تخصصى تعتبر علم الارض والصخور وكان طلبه ادبى بيدرسوها كماده علميه لانها كانت بتفيد اللى بيدخل كليه اثار لكن ديه هتفيد ايه لواحد كليات تخصصه هى طب او صيدله او علوم غير كده بيبقى الكليات المشتركه يعنى بالبلدى ملهاش اى 30 لزمه لعلمى علوم تقوم حضرتك بقرارك الجميل تخليها ماده تخصص وعليها اكتر من الاحياء اللى تعتبر اهم ماده عندى !! ده يبقى اسمه ايه حضرتك !! وتحط لينا مكانها فى ال3 مواد اللى مش هتقصر على المجموع الاحصاء طول عمرنا نعرف ان الاحصاء دى تبع الرياضه ايه علاقتها بعلمى علوم !! لزمته ايه الحشو فى سنه زى دى !! ياريت ترجع عن القرار الخالى من الحكمه ده من فضلك علشان ميبقاش فى اعتصامات زى اللى حصلت السنه اللى فاتت قدام الوزاره وشكرا