السلام عليكم ورحمة الله وبركاته
مقدمه لسيادتكم / موظفى محكمة المنصورة الابتدائية
بداية نستنجد ونستغيث بسيادتكم لأن المسئولين فى وزارة العدل اغمضوا اعينهم عن مشاكلنا والظلم الذى نتعرض له ، فإذا علمت سيادتكم بحجم الظلم والمعاناة التى يعانيه موظفى المحاكم فماذا سيكون رأى سيادتكم ؟؟؟ وهل ستقف بجانبنا ام لا ؟؟؟
اليك سيدى بعض المشاكل التى نتعرض لها :-
اولا : لنا نحن موظفى محكمة المنصورة الابتدائية مشكلة خاصة تكمن فى وجود السيد الاستاذ المستشار / الجيوشى الديب – رئيس المحكمة ، وهو لا يستحق لقب انسان فهو خالى من الانسانية وما يفعله معنا ان دل على شيئ فهو يدل على انعدام الضمير وانعدام الدين وانعدام الرحمة وانعدام العدل وكل الاندهاش والتعجب كيف اعتلى هذا الشخص منصة القضاء ؟؟؟؟؟؟
بكل ظلم وبكل غطرسة وبكل تجبر يقوم بنقل الموظفين الى اماكن بعيدة عن مكان الاقامة بل والى محافظات اخرى ، ومنهم الرجال والسيدات ، دون وازع من الضمير او الشفقة ودون مراعاة للسن ودون مراعاة لمشقة السفر ولا تكاليف السفر ، علما بأن أقل قاضي يتقاضى بدل سفر حوال 1850 جنيه شهريا بالغم من وجود استراحات يقيموا فيها مدة عملهم وهى ثلاثة ايام اسبوعيا ،، ويشاطره هذا الظلم كثير من رؤساء المحاكم ، بل ان 80 % من المكافآت التى يرسلها الوزير فى المناسبات والاعياد يقوم سيادة المستشار بإعادتها مرة اخرى الى الوزارة وهذا لاخافتنا وارهابنا من عمل اى اعتصام للتعبير عن مشاكلنا وتدنى المرتبات .
وهذا الرجل الذى من المفترض ان يطبق القانون فهو يخالفه بكل ما أوتى من قوة متسلحا بمنصبه وبمباركة السيد مساعد الوزير والوزير شخصيا لما يفعله واليكم امثلة بسيطة على مخالفته القانون :-
– الاجازة العارضة تقدم قبلها بيومين بتعليمات من السيد رئيس المحكمة مخالفا للقانون الذى ينص على تقديمها فى اليوم التالى فهى مقررة قانونا للظروف الطارئة التى تحدث للموظف ويستحيل معها ذهابه للعمل فى هذا اليوم
– الاجازة الاعتيادى تقدم قبلها بأسبوع ، ثم يأتى كل فترة ويمنع قيام الموظفين بأى اجازة بتعليمات شفوية ، كما ان القانون اجاز للموظف الحصول على اذن لمغادرة العمل والعودة اليه مرة اخرى فى نفس اليوم لاى ظرف طارئ الا ان رئيس المحكمة ألغى الأذون ويضع امن على جميع مداخل المحكمة لمنع خروج الموظفين الا بإذن رسمى على الرغم من انه الغى الاذون
– يقوم بنقل الموظفين ظلما وعدوانا الى اماكن بعيدة جدا دون ارتكابهم اى مخالفة ودون حدوث اى تحقيق معهم وهذا يؤدى الى خلو المحكمة من الكوادر اصحاب الخبرة ويؤثر على حسن سير العمل
ثانيا : وعلى عكس ما يتوقعه الجميع فإن مرتبات موظفى المحاكم تعتبرالآن من أسوأ المرتبات الموجودة فى الدولة ، فإليك سيدى هذا الخبر انا حاصل على مؤهل عال ومعين منذ اربع سنوات ومرتبى بالحوافز والحافز المميز لا يتعدى 750 جنيه مصرى لا غير ، مع العلم ان المصالح الاخرى التابعة للوزارة مرتباتها اضعاف ما نتقاضاه . فهل هذا يرضى احد ؟
ثالثا : ولكى تشعر سيادتكم اكثر بالظلم الذى نتعرض له ، فأى قاض يعالج على نفقة الدولة فى افخم الاماكن فى مصر ولا ننكر ان هذا حقهم ولكن بالرغم من ذلك نجد السيد الوزير يصرف لهم شهريا بدل علاج يقدر بـ 1200 جنيه شهريا ، اما نحن فنعالج فى التأمين الصحى وما ادراك ما التأمين الصحى ونجد السيد الوزير يمنحنا مبلغ كبير جدا كبدل علاج شهرى يقدر بـ 120 جنيه شهريا
رابعا : ان 65% من ميزانية وزارة العدل من الايراد الوارد من المحاكم فأين الميزة التى نتمتع بها على الرغم من زيادة الرسوم القضائية ، فإن ابسط حق لنا هو توفير راتب يكفينا ويفى بمتطلبات الحياه الكريمة ونحن لا نطلب المساواة بالسادة القضاه ولكن نطلب تقليل الفروقات الغير مبررة بين ما يتقاضوه وما نتقاضاه نحن ، ولكى تعرف اكثر ياسيدى فإن الوزير قام بصرف ثلاثة الاف جنيه لهم قبل رمضان وثلاثة الاف جنيه اخرى لكل قاض قبل العيد ، اما نحن فلم نصرف مليم واحد رغم وجود العيد ومصاريفه ودخول المدارس ومصاريفها
فأى ظلم هذا ، وهل ميزانية وزارة العدل مخصصة فقط للقضاه دون النظر الى موظفى المحاكم
ثم قام الوزير الهمام بإصدار قرار يقضى بإجبار الموظفين على ارتداء بدلة كاملة كزى رسمى لموظفى المحاكم دون ان يصرف مليم واحد لشراء بدل او صرف بدل مظهر مثل الذى يصرف للسادة القضاه شهريا والذى لا يقوم بإرتداء البدلة ينقل من مكان عملة ويتعرض لأشد انواع الجزاءات ، فهل هذا هو العدل
وعلى الرغم من وجود قرارات وقوانين ولوائح تبيح للموظف الحصول على اجازة بدون مرتب للسفر للعمل للخارج الا ان اى موظف لديه عقد عمل او فيزا يتم رفض طلبه بالحصول على اجازة بدون مرتب للسفر بدون مبرر وبدون مسوغ قانونى ، ولا يتم الموافقة الا للموظف الذى لديه واسطة
*** وفى النهاية المأساة الكبرى وهى قيامه بإجبار رؤساء الأقسام على وضع حد من الدرجات لا يمكن تجاوزة فى تقارير الكفاية والأداء ، حيث فوجئ كل موظفى محكمة المنصورة الابتدائية بوجود تصليح بالمزيل موجود فى تقارير الكفاية الخاصة بهم ، بالرغم من وجود موظفين يعملوا بكل جهد وعطاء ورغم ذلك تم تصليح درجاتهم وتخفيضها ،و بالرغم من وجود موظفين لا يعملوا بجد واخلاص الا انهم حصلوا على تقديرات اعلى مما يستحقونه ارضاءا لأقاربهم من السادة القضاة واعضاء مجلس الشعب
وفى النهاية نرجو من سيادتكم ايصال صوتنا ورفع الظلم والقهر الذى نعيشه
وجعلكم الله عونا دائما لكل مظلوم ولكل محتاج
موحرام الى اليوم وموظفي وزارة المياه بجدة لم يستلموا الراتبين المكرمة الملكية ليش الملك امر بصرف الراتبين وهم حارميننا من الراتبين كل الناس استلمت الا احنا بوزارة المياه بجدة حي مشرفة
أنا مش فاهم ياجماعة إزاى مش قادرين توصلوا لحل مع رئيس محكمة المنصورة مع إن إنتوا وقفتوا وقفة رجالة قبل كده وسايبينه يحضر ويظلم وانتوا كنتوا قلتوا مش هانمشى هو يمشى قدامكوا السيد المستشار وزير العدل قولوا شكواكم وارسلوا فاكسات وبرقيات خلاص مفيش خوف تانى هو مش هايقطع أرزاقنا
ياشباب المحاكم ربنا سبحانة وتعالى اكبر من وزير العدل والسادة المستشارين اللى مش حاسين بينا هما عايشين فى نعيم ومش حاسين بينا فاصبروا فرجه قريب جدا والله العظيم صدقونى محدش يياس بس لما نقوم ياريت نكون ايد واحدة وعلى فكرة انا داخل باسمى الحقيقى وفية كتير من الزملاء الافاضل يعرفوا الظلم اللى وقع على حسبنا الله ونعم الوكيل
بدايه صحوه الموظفين الشرفاءللمطالبه بحقوقهم التي تتمثل في الحوافز وبدل العلاج الذي الذي يتقاضاه الساده القضاه 2350جنيه في مقابل 120جنيه للموظف.والجهود عير العاديه التي يتقاضاه موظفين دون الاخرين.واضافي اسر الموظفين الي بطاقه التامين الصحي اسوه بالقضاه.ورفع بدلات الانتقال للمحضرين.وحل النقابه العامه للموظفين واعاده الانتخاب.واعطاء يوم اجازه في الاسبوع اسوه بموظفي ديوان عام الوزاره ولتطبيق القرار رقم 1لسنه 2006لرئيس الوزاء………….ومطالب اخري نحتاجها تحتاج لصحوه ضمير امحاربه الظلم ولتغيير كادر موظفي العدل………….ننتظر مشاركتكم وارائكم علي صفحه موظفين النيابه العامه علي الفيس بوك………………….ايدواحده
انا هرد على السيد المحترم برنس الدور الخامس احب اقول له ان كفايه ظلم السيد المستشار رئيس المحمكة لنا فارجو منك ان تقول كلام صحيح عن موظفى المحكمة لانه من الواضح ان السيد المحترم لا يعرف فعلن شىء عن العمل فى الاقسام التى تحدث عنها ومن الواضح انها يتقاضى راتبه وهوه نائم لانه تحدث عن قسم الحسابات فكيف ياخذ مرتبه كل شهر وقسم الارشيف ايضا هوه يقول ان عمله ينتهى الساعه 11 ؟ هذا القسم ينتهى عمله بنتهاء رفع القضايا من المحكمة لانه يعمل على نسخ القضايا المقدمه يوميا من اشاء جديد ومحاله وكم القضايا التى يشتغلوها انت لا تقدر عليها من الواضح انك محروق اوى من تلك الاقسام ومن الواضح انك انته اللى فاضى ومش ليك شغلانه كفاية ظلم السيد المستشار اللى حارمنا من حقوق كتير منها قبل سابق عدم اخذ المكافأت وتخفيض المكافأة اذا كانت شهر يعطيها لنا نصف شهر ده غير التعسف فى اتخاذ القرارات وعدم تنفيذ قوانين العمل
نحن فى محكمة اسكندريه نفس هذا الوصع تماما
انا المواطن عبد العزيز ابراهيم السيد الجمل المقيم بالمحله الكبرى محافظه الغربيه
شارع المامور اول المحله مواليد 27/4/1965
الموضوع
حيث اننى اعمل بمحكه طنطاالابتدائيه على الدرجه الرابعه بقرار تعين رقم 1112
صادرفى 12/3/1986 حتى 19/3/1994 انقطعت عن العمل بسبب ظروف صحيه سيئه واودعت المستشفى اكثر من ثلاث عشر عام ومعى تقارير من المستشفى يثبت هذا واخطرت جهه العمل محكمه بندر المحله التى كنت اعمل بها فى ذلك الوقت ولم اخطر باى قرار من جهه العمل مثل انذار او قرار فصل ولم يصدر ضدى اى قرار ولكن لما شاء الله اننى قد تعافيت واصبح عندى القدره على العمل توجهت الى اداره المحاكم فوجدت انه قد صدر ضدى قرار وزارى رقم 1428 لسنه1994 بناء على مذكره الشئون الاداريه المؤرخه فى 8/3/1994 باعتبارى مقدم استقالتى اعتبارا من 20/11/1993 بقرار وزير العدل رقم 5143 لسنه1993 حيث اننى قد تحسنت حالتى الصحيه ومازلت اتبع قود قطاع 1 قانون 79/75 للعاملين بالدوله وليس لدى عمل اتعايش منه وارسلت بتظلم لرئيس محكمه طنطاالكليه
ورئيس ادارات المحاكم ولم ينصفنى وحيث اننى اتظلم من هذا القرار باعتبارى مقدم استقالتى
ارجو من سيادتكم السيد الاستاذ وزيرالعدل
باخطار السيدالاستاذ المستشار رئيس ادارات المحاكم بعودتى الى الخدمه وقيد اسمى بسجل العاملين ومساوى بدرجه زملائى الذين تم تعينهم معى
ولسيادتكم جزيل الشكر
اولا بالنسبة للجزاءات التى تم سرده فانه من المؤكد انه تم الوقوع لاصحابها فى الخطا ومعنى المبالغة فى العقاب الا نظلم ونذكر انصاف الحقائق ونذكر العقوبة دون الذنب
وبالنسبة للراتب للمؤهل العالى المعين منذ 4 سنوات فانه كاذب وبالمستندات فاذا كان المعين حديثا الذى لم يبلغ العام مرتبه يزيد عن الثمانيمائة جنيه
أما أما أنا فشكواى لله ، أعمل فى الخارج ،وأدفع التأمينات المقدرة سنويا ، فوجئت وأنا فى الأجازة أن لى قرار بالفصل … لماذا؟ لأن المحكمة أرسلت إنذارات بالحضور واستلام العمل ولم تتسلم خلال 15 يوم
ولكن ياجماعة لم أتسلم إنذارا واحدا ولم أدرى به كما أن لى عنوان بالخارج معلوم لدى المحكمة لماذا لم تراسلونى عليه وأنا أجدد العقد سنوى … وعندما ذهب أخى إلى محكمة المنصورة التى يرأسها المستشار الجيوشى وصار بعض الجدل بينهما أخذت م الجيوشى عزة المنصب وكرسى السلطة الذى إختبره الله به ليحكم بين عباد الله فى القضية ويقضى بالسوية ، وأخى رجل كبير على خلق كريم ، أجابه المستشار هحبسك 24 ساعة هداه الله وأرشده إلى الحق .
ياريت أهل الكراسى والعلم يعلمون أن مناصبهم مسؤليات وتكليفات وليست تشريفات ومن تواضع لله رفعه وأنه سوف يأتى على كل إنسان لحظة ضعف وانكسار فاعملوا لهذا اليوم وردوا المظالم قبل أن ترد عليكم كالجبال وظلمات تضلكم طريق السعادة نفعنا الله بما نقول ونسمع .
مع الاحترام للاستاذ اللى بيقول ان قسم الحسابات مش شغال
امال انت بتقبض ازاى ياريت لما نشتكلى نشتكى بكلام صح
و نتقى الله فى كلامنا كويس
وقسم المعاشات شغالين برضو كويس جدا و حطاية انهم بيضيعو الورق دى اول مرة اسمع عنها
اذا كان هما اصلا اللى بيعملو الورق بتاع المعاشات هيضيعو ايه
اتقى الله
صحيح المحكمة فيها عيوب و سلبيات كتير بس مش فى الاقسام دى
ممكن الترجمه اه ممكن المكتبه و البحث القضائى و الحاجات اللى من غير لازمة دى اصلا
نشلطر الجميع الاحزان فى مأتم العدالة ونقول للجميع والله حالكم حال جميع المحاكم فى جميع انحاء الجمهورية الظلم فى وزارة العدل اصبح الوجبة اليومية للعاملين بالمحاكم عذرا اخوانى ان تسمى وزارة العدل حيث لا عدل بالمرة اخوانى الحل بايدينا جميعا من خلال اعتصام شامل للمطالبة بحقوقنا المهضومة صدقونى يا اخوانى والله الاعتصام ده هيعمل شلل لجميع المحاكم وليست اعتصام الخبراء منكم ببعيد صدقونى يا اخوانى والله جميع موظى المحاكم على مستوى الجمهورية فى حالة احتقان ولكن ينقصهم الشرارة الاولى على فكرة انا احد موظفى محكمة بنى سويف الابتدائية وادعوكم جميعا لهذة الوقفة الجادة اخوكم فى الله عاطف جابر
و الله عندك حق اقسام كتير مبتشتغلش في محكمة المنصورة و طول النهار مزوغين برة
حد يقولي قسم زي الارشيف اللي بيبطل شغل السساعة 11 لزمته ايه و لا قسم زي المتابعة اللي نايمين علي طول و لا قسم الترجمة اللي مبيشتغلش خالص و كمان بيترجمو غلط و بياخد 180 كل شهر و فيه 10 موظفات فاضيين للاكل بس طول النهار و لا قسم زي الحسابات دة المفروض قسم شغال بس المعروف فيه ان الستات الكبيرة نايمة علي طول مفيش فيه اتنين بيشتغلو علي بعض و لا قسم المعاشات اللي بيضيع الورق فيه و فاضيين لاكل البصارة و المحشي فيه علي طول و لا البحث القضائي اللي مفيش قاضي بيعتب عتبته و اخيرا اللي مبوظ المحكمة هما زوجات القضاة اللي جيين مش عاوزين اقسام فيها شغل و لو كلمت واحدة فيهم تجري تجيب جوزها يقل ادبه اصل احنا يا رجالة من غير شنبات اصل ستات اخر زمن
اين العدالة في محكمة المنصورة الابتدائية اقسام تعمل و اقسام لا تعمل و اللي ملوش ظهر يضرب علي افاه هو فين العدل فين العدل يا وزير العدل
ياريت تبص لمرتبتا بناخد اللي بيفيض منكم فلوس بتتصرف علي القضاة اللي مبيعرفوش يشتغلو و الموظف الغلبان هو اللي مطحون شغل
نناشد السيد الرئيس محمد حسنى مبارك صاحب العدل وناصر المظلومين لما نعانيه من قهر وظلم بوزارة الظلم وليس العدل نحن بشر ولنا حقوق بحق القانون والدستور وليس هبة اومنحة من احد لان ما يحدث حاليا بهذه الوزارة هو استبداد واستعباد وانا احد موظفيها بمحكمة الفيوم الابتدائية اعانى يا اخوانى وزملائى الاعزاء من هذه المعاملة الوقحة ومن هنا اقول واناشد جميع الزملاء انه يجب ان يكون لنا وقفة وموقف بكافة الطرق الشرعية والقانونية بجميع محاكم مصر حتى يتسنى لجميع القضاة معرفة اهمية الدور الذى يقوم به موظفى المحاكم لاننا نحن اصحاب الحق ويجب ان ندافع عن حقوقنا ومصا لحنا ولانخاف من احد او نرهب احد ونستعين فى ذلك بالله اولا ثم الرئيس الاب محمد حسنى مباركوفقنا الله واعاننا على كل ظالم ومستبد وحسبنا الله ونعم الوكيل
عندك حق فى كل كلمة
و الله ماحنا عارف ين نعمل ايه
يمكن بس من فترة حن علينا و بقى بيقبل المكافات اللى بتيجى لنا و مش بيرجعها
لكن الاجازات اللى هى من حقنا و مقفلها علينا نعمل ايه يعنى
حد يقول ان العارضه اللى هى اصلا مخصصه لاى ظرف طارق تتقدم قبل
القيام بيها ب بيوم امنال اسمها عارضه ليه
و نيجى نكلم يقولو تعليمات شفويه من المستشار هو احنا هنقوله
هات لنا امر مكتوب
و الاجازة الاعتيادى قبلها باسبوع
لا و ايه ممنوع الازونات مع انى اعرف ناس بتزوغ عادى جداا لمجرد انهم محاسيب
بتوع الامن
لكن اللى يمشى صح و يروح يعمل ازن عشان اى ظرف يكون الرد ممنوع
طيب بلاش كده
حد يقولى يعنى ايه قسم الترجمه فيه 10 موظفات بياخدو فوق المرتب 180ج كل شهر
مع ان الورق اللى بيجى اصلا للترجمه ممكن ورقتين تلاته فى السنه كلها
سؤال بقى كمان
هو الموظف ده الة ماينفعش يطلب من البوفيه كوب شاى يشربه ؟
اه لو حد عدى ولقى كوباية شاى
طيب لو مزعلكم كده الشاى امال فاتحين البوفيه ليه ؟؟
واه بقى كمان لو الاسانسير اتعطل
يقولو المستشار مش راضى يمضى عشان يتصلح و الله مرة قعد شهر متعطل
مع ان الاسانسير اللى مخصصينه للمستشارين شغال
و لا يمكن حد يعتب و يتجراء يطلع فيه
حتى لو واحده تعبانه او حامل او ست كبيرة
لنا الله
واحنا برضه فى محكمة البحر لاحمر الابتدائية نفس الوضع تماما كما ذكر الزميل
لكى ولنا الله يامصـــــر
ونضم صوت موظفى محكمه طنطا ليكم
الله يكون فى عونك وعوننا
ونحن بمحكمة طنطا الابتدائية نعانى نفس الواقع والمرة دى من مستشار / نابليون ابو الخير
انا اتعجب من هؤلاء المستشارين وكيف كانوا قضاة ويعتلون منصة الحكم ؟
منهم لله جميعا وايضا من الذى اعطى لهم الفرصة فى التحكم فى الموظفين
انا الاحظ ان معظم رؤساء المحاكم المعينين فى الحركة الماضية من اصحاب الامراض والعقد النفسية
ونفتكره بكل خير المستشار / عبد الرحيم الطيب رئيس محكمة طنطا السابق وندعى له بكل خير
هو ده حال اتلدنيا فى مصر رحم الله ابن الخطاب الذى قال لو تعثرت بغله فى العراق لسأل عنها عمر بغله مش انسان انسان انسان مش لاقى ياكل ولا يشرب ولا علاج ولا زواج ولا غيره حسبى الله ونعم الوكيل يوم الحساب قريب يوم لا ينفع مال ولا بنون الا من اتى الله بقلب سليم
Pححسبيى الله ونعم الو كيل فى كل ظا لم