انقذ دشنا ياسيادة محافظ قنا

-1 المرور داخل مدينة دشنا قنا لايطاق تكنك +حنطور+كارو+سيارات اجرة +ملاكى+نقل+دراجات نارية +المشاة+ اشياء اخرى = شارع المركز بدشنا مقفول نهائى ليه مش عارف وكلة يتركز فى شارع مجلس المدينة رايح جاى

2- مستشفى دشنا المركزى خارج الخدمة نهائى ونطلب زيارة مفاجئة

3- الكلاب الضالة فى كل مكان

4- الصرف الصحي لم نتذكر منة سوى المواسير الملقاة فى كل الشوارع والاخشاب التى زرعت فى الارض

5- المواقف التى يتم تكوينها داخل شوارع المدينةعلنا امام المسئولين

7- الاهتمام الزائد فى النظافة فى شارع المركز و مجلس المدينة و شارع البحر -شارع السكة الحديد- فقط دون بقية الشوارع الداخلية والجانبية

-8- القاء مخلفات مصنع الفيبر داخل الترعة الرئيسية وممنوع حد يتكلم علشان ده مصنع اسنثمارى وعيب حد يفتح بقه ومات السمك وضاعت المحاصيل بخلاف الروائح الكريهة

9- انتشار سيارات النقل الثقيل ووقوفها بالساعات فى شارع مصر اسوان والسائقين فى محلات الاكل والقهاوى

10- غرق شوارع منطقة العزازية من مواسير مياه الشرب بسبب عدم ربط جلد الكاوتش بين وصلات المواسير اقصد الشبكة الارضية لمياة الشرب

11 – شارع صلاح الدين أقصد شارع درب النصارى أكوام الزبالة سادة الشارع وخصوصا بجوار مسجد السلام والكنيسة والشوارع تحت امركم اقصد المدينة تحت امركم للمعاينة فى اى وقت وفى اى مجال دون سابق انذار

12- أخيرا وأهم حاجة الدروس الخصوصية  مرض واستفحل فى دشنا من أولى ابتدائى الى ثالثة ثانوى مافيش شرح فى المدارس خالص الامر الذى يضطر التلاميذ الى الدروس الخصوصية وأسعار الدروس نار والمدرس بقى أحسن من اللى فى الكويت وماشبعانش