السلام عليكم ورحمة الله وبركاتة اسكن بمنطقة الذهبية وتحديدا خلف مدرسة رويال الجيل الصاعد بالغردقة وفوجئت منذ شهر بفتح ورشة نجارة داخل صور المدرسة وهى ورشة متكاملة ويعملو حتى الساعة الثانية صباحا وغير كدة يتم لعب الكورة بداخل ملعب المدرسة ايضا حتى الصباح هل لاصحاب النفوذ ان يعملو مشاريع من اى نوع وفى اى مكان مع العلم انه يوجد منطقة صناعية للورش الخاصة بتلك المشاريع وربنا يستر ان النهاردة فى ورشة نجارة بكرة ممكن ورشة حدادة ومين يعلم وقد تكلمنا نحن سكان المنطقة مرارا وتكرارا للعمال بيقولو احنا ممكن نخلص شغل الساعة 12 بليل يعنى الواحد يخلص شغل علشان يروح ينام نلاقى اصوات اللى بيلعبو كورة داخل ملعب المدرسة وصفافير واصوات عالية ودق ومنشار فى الورشة بجد شئ غير ادمى وانا واثق ان لو فى ظابط شرطة ساكن فى المنطقة كان اكيد الوضع اختلف وكان قفل الورشة من تانى يوم انا عندى يقين ان الورشة بدون ترخيص لان مفيش مهندس عاقل من المحافظة هيسمح بترخيص ورشة داخل مدرسة وبمنطقة سكنية مع العلم انها مدرسة خاصة .وتفضلو بقبول فائق الاحترام
شكاوي البيئة
ورشة نجارة داخل مدرسة خاصة بالغردقة
الدولة: مصر | المنطقة او المحافظة: الغردقة
اضيف بتاريخ: Wednesday, January 5th, 2011 في 08:12
كلمات شكاوي المواطنين: البحر الاحمر, الغردقة, المدرسة, شكاوي البيئة, صور, مدرسة, مشاريع, مصر
يبقا انت اكيد اكيد فى مصر بلد السياحة اللى شوارعها مليانة بالزبالة والصرف الصحى اللى بيسقو بيه الزرع حاجة تكسف بجد ولا اصوات كلاكسات التاكسيات اللى عمال على بطال بينادو الزباين او بيلفتو انظارهم ان فى تاكسى طيب الناس اكيد اللى عاوز تاكسى هيشاور لاى تاكسى علشان يوصلو ولا السرعة اللى بيمشو بيها حاجة جنونيه وكل يوم والتانى حوادث سلبيات سلبيات بلا حدود انا واحد بحب بلدى وعاوز اشوفها احسن بلد فى الدنيا الناس بتيجى من جميع انحاء العالم علشان يستمتعو بالجو اللى فى بلدنا احنا المفروض نكون احسن من كدة علشان الاجانب تيجى مرة واتنين وتلاتة ونامل ان فى حد يزيل السلبيات اللى موجود مش فى الغردقة بس فى مصر كلها وشكرا