“رسالة من رضيع”
الى الرئيس / عبد الفتاح السيسى
ولكل أب ولكل أم
أنا إسمى هشام وعمري ٦ أشهر
إتولدت فى مستشفى تبارك الخاصة بمدينة نصر محافظة القاهرة
وكنت بحالة جيدة ولكن دخلت الحضانة علشان ضيق فى التنفس بس أنا كنت بتنفس طبيعي.
ودخلونى تحت اللمبة الزرقا من غير ما يغموا عيني
وهذا غير مهنى وغير طبيعي وإدوني أوكسجين كتير أوى أوى وكمان فى عيني لدرجة أنى مكنتيش قادر أفتح عيني من ضغط الأوكسجين عليها.
وبسبب ان اصحاب مستشفيات تبارك المشكو فى حقهم عن نفسهم وبصفتهم لا يهدفون الا الى جنى المال حتى ولو كان هذا سوف يأتي على حساب صحة الاطفال وتعيين أطباء واستشاريىن وممرضين ليسوا على الكفاءة المطلوبة لرعاية الاطفال فأدى هذا الى فقد البصر فى عيني الإتنين .
وعايز أقول لماما وبابا
{بسم الله الرحمن الرحيم}
قل لن يصيبنا إلا ما كتبه الله لنا
{صدق الله العظيم}
بس أنا عايز أقول لكل أب ولكل أم
متسبوناش لوحدينا فى الحضانة مع من لا يرحم.
الدنيا حلوة أوى بس للأسف مش هقدر أشوفها وسأظل طيلة حياتى فاقدآ للبصر دون أى ذنب
سؤال من سيأخذ حقي وحق جميع الأطفال ؟
ومن سيحمي الأطفال القادمة من هذه المستشفيات ؟ مين ؟
محضر النائب العام رقم ٧٦٠٦ بتاريخ ٢٠١٦/٥/٢٩
والله ولى من لا ولى له
