السلام عليكم
اذا في مصداقية كل واحد يقرأ ماأكتب يقول للأخر مشان الكل يعرف
أنا أمي توفيت أنا بعرف أنو العمر واحد ولو كانت أمي في المنزل لتوفيت في تلك الساعة ولكن أمي توفيت علي يد الدكتور محمد سليم العاني أشهر طبيب قلب موجود في دمشق على أساس أمي ذهبت على قداميها الى مشفى هشام سنان مشان تعمل قثطرة وعملها الدكتور محمد سليم العاني الدكتور المشهور والبروفيسور وبعدها قال لي يوجد مشكلة عندها في ثلاثة شرايين يجب أن نعمل شبكات أو عملية جراحية وأعطاني نسبة للشبكات فاخترت العمل الجراحي لأنو مضمون أكثر ولكنه كان يفضل هو الشبكان لأنها أفضل وناحجة وفوراً بعدها قام بالشبكات ساعة ساعتين ثلاث والمخبر الذي يقومون فيه الشبكات كل شوي دكتور يطلع ويفوت واستدعوا الدكتور بشار الجراح في مشفى الشامي وأخيراً تكلم الدكتور محمد سليم العاني وقال أنو الشريان لم يتقبل الشبكة مشان الله قولو لي كيف معقول هذا الحكي وتوقف قلبها أكثر من 7 مرات وأرجعوه عن طريق الصدمات الكهربائية تخيلوا مجرد /شبكات / عملت هيك تخيلوا دخلت الساعة الساعة السادسة والنصف مساءاً وانتهى العمل حوالي 11 ليلاً وطمئننا أنو الوضع يعني أفضل راح انطلعها على العناية أول شريان حطوا له شبكتان ثم بالون وعذبهم كتير وشريان الثاني لم يقدروا يعملوا له شيء وكان هو خايف كتير وقال بس ترتاح يومين بنرجع نعمل عمل جراحي في مشفى الشامي وطنا فضلت الى يوم الأثنين في العناية تخيلوا شبكات وكانوا واضعين لها منفسة أي بربيج في فمها لأنو مو عم تتنفس شو معنى هذا الحكي وفي ظهر الأثنين قال أنو وضعها القلبي جيد بس في مشكلة نزيف صار يمكن يكون من البربيج أللي في فمها أو تخرشات في المعدة معقول هذا الحكي يا ناس وكان وضعها طول هذا اليوم على كلامه أنو مستقر وطمئننا عليها وتوفيت صباح الثلاثاء مقول معقول يا ناس والله بعرف أنو هذه ساعتها ويومها ولكن معقول هي الأطباء هذا أفضل الدكتور في دمشق محمد سليم العاني مابعرف شيء أنا أمي توفيت ومسلم الدكتور محمد سليم العاني لله كل واحد بيسمع القصة بيقول أنو في هطأ شي بيقول نزيف صار أكيد من أول شيء وأنا هذا أللي بتوقعه ولم يقدر يسيطر على الموضوع .
أنا بدعي لله يصبرني أنا وأبس وعيلتي أحنا مؤمنين بقضاء الله بس حابب أحكي لكل العالم هي القصة مشان يعرفوا الدكتور أللي بيتعاملو معه أكثر من الدكتور لما عرف الحالة قال أنو يجب عمل جراحي وليس شبكات بس الدكتور صح سألنا بس كان مايل للشبكات أنا مسلموا لله وحده اذا أللي حق عنده يأخذه منه
الله يرحم أمي ويجعل مثواها الجنة يارب
بتعرفوا أللي بحذ بنفسي أمي لم تكن مريضة أبداً ولم تنام على سرير أبداً لآخر لحظة واقفة وكانت تقوم فينا كلنا ولم تكن تشتكي من شيء أبداً بس الله أخذ أمنته بس أنا إذا أللي حق عند الدكتور ( الله لا يسامحه) وشكراً لكم أرجو أنو توصلوا موضوعي لكل العالم
مقدمة من
محمد شرشرة
الأعمار بيد الله.
بس لازم نفهم إنو الأمور الطبية مو نحن يلي نقدرها ونبسطها كيف ماكان. هيك أمور أعقد من إنو نشرحها بكلمتين وثلاثة. الدكتور على سلامته دقيق ومتقن لمهنته. تعاملنا معه مرة واحدة بعد ما مرينا على كل الأطباء. وكان هو الأروع بالتشخيص. لا تربطنا فيه أي علاقة شخصية، حتى الابتسامة لم نتلقاه من وجهه.
حفظه الله ورعاه وأكثر الله من أمثاله
ليك اخي اول شي الله يرحمها
تاني شي واحدكن بدخن او بكون معو سكري وبسف حلو لتهتري شرايينو او بكون وزنو ماشاء الله زايد ٥٠ كغ عن الطبيعي وبس يهترو شرايينو بقول الدكتور موتنا
عفوا ليش ما بتعرف انو في خطوره لكل اجراء
لك حتى الابره العضلية ممكن تحسس وتموت
لسعه نحله ممكن تموت
فكيف شبكات قلب وتلت شرايين مهتريات
إذا ما كان خطوره هون وين في خطوره
بعدين حتا الجراحه كانت ممكن تموتها
ما بعرف بس الحق على الدكتور يلي ما بوقع الاهل على نسبه خطوره
فعلا بكون الواحد عايش طبيعي بروح عدكتور القلب ببطل يمشي