شكاوي الاتصالات

الغاء اشتراك ADSL من شركة اورانج دون ابلاغي

تم تقديم طلب للتعاقد مع اورانج ADSL يوم 13/9/2017 والغاء النت من تى اى داتا التابعة للشركة المصرية للاتصالات وتمت المماطلة من قبل تى اى داتا حتى تم الالغاء يوم 18/10/2017 وبالفعل اتصلت ب اورانج قالولى فعلا تى اى داتا ردت وسوف يتم تشغيل الخدمة فى مدة من 7 الى 10 ايام واعطتهم العنوان علشان استلم العقد وادفع قيمة الاشتراك فى الاسبوع التالى اللى هو من 22/10 الى 26/10 ومحدش جه مع العلم انى استلمت رسالة يوم 22/10 بتقول انه تم اصدار امر الشغل من السنترال لتركيب الخدمة على خطك وجارى استكمال باقى اجراءات توصيل الخدمة
تم الاتصال يوم 26/10/2017 وبقولهم محدش جه يسلمنى العقد وياخد قيمة الاشتراك قالولى ان السيستم لغى التعاقد لان هما اتصلوا بى يوم 10/10 ويوم 11/10 ومحدش رد طب ما انا اتصلت بيهم يوم 18/10 واستلمت رسالة منهم يوم 22/10 وبعدين مش المفروض يعرفونى انه هيتم الغاء التعاقد ولا مستنينى اتصل انا بيهم علشان يعرفونى
كل ده كوم واللى حصل بعد كده كوم تانى حاولت اتصل تانى يوم 26/10 بالليل علشان اخد رقم الالغاء كذا مرة ومحدش رد عليا قولت عندهم ضغط وحاولت اتصل بيهم يوم 27/10 من التليفون الارضى كتيير ومن الموبايل كتيير وابتدوا يبعتونى لبعضهم من قسم لقسم وفى الاخر محدش بيرد حتى كان فيه رقم 01227716333 كنت بتصل بيهم من عليه فؤجئت ان الرقم غير موجود بالخدمة واعتقد انهم عملولى بلوك لان اتصلت من تليفون اخر لاقيت الرقم شغال عادى
بعد كل ده هل يصح ان تستمر هذه الشركة فى مصر
وبعدين كمان معندهمش قسم للشكاوى طب ازاى
وشكرا

اضيف بتاريخ: Sunday, October 29th, 2017 في 23:16

كلمات شكاوي المواطنين: , , , ,

4 رد to “الغاء اشتراك ADSL من شركة اورانج دون ابلاغي”

  1. محمد رمضان
    19/03/2022 at 22:10

    ارجو إلغاء التعاقد مع شركة اورانج علي الرقم الأرضي
    0236731605

  2. اشرف زهران
    14/05/2021 at 03:37

    ايقاف الاشتراك الشهري لاني مسافر علي رقمي25410757وقت مرجع هتصل عشان اشغلها

  3. AiD
    03/06/2019 at 17:09

    اطلب ١٥٥ وبلغهم شكوتك ورقم الشكوي اللي انت مقدمها في اورانج وتاريخ قطع النت وتاريخ اتصالك بالشركه وقول اللي نفسك فيه ده هيجبلك حقك

  4. يوسف طارق
    28/04/2019 at 13:04

    انا اشتركت في اورنج 10|4 كلمته عشان نت كان فاصل مشتغلش لمبه الانترنت فصله كل يوم اكلمهم يقولو بكرا بكرا بكرا 48 ساعه يشتغل بقلي 20 يوم مشتغلش
    الغولي الخدمه ده انا هقدم في نت وي

اترك تعليقاًً أو حلاً لهذه الشكوى


إخلاء مسؤولية: موقع شكاوي المواطنين غير تابع لاي جهة حكومية في اي دولة، ولا يتحمل موقع شكاوي وهموم المواطنين باي شكل من الاشكال المسؤولية عما ينشر من شكاوي على صفحاته، وكل ماهو منشور وما يتم نشره يقع تحت المسؤولية الادبية والقانونية لمقدم الشكوى وكاتبها سواء ورد في التعليقات او في محتوى الشكاوي نفسها