أتقدم بشكوتي هذه بعد أن حاولت أن أتحدث أكتر من مرة مع ادارة المدرسة وهي مدرسة التربية الحديثة للغات بالمريوطية شارع ستوديو مصر
لا أعرف من اين ابدأ فمدرسة أولادي هذه مصاريفها 6000 جنيه للطالب الواحد يعني المفروض يكون فيها رعاية ولكن هذا غير موجود أولا الحمامات غير أدمية بالمرة ومازاد الطينة بلة أن هناك أعمال صيانة بالمدرسة الأن ولا يوجد حمامات بالدور أصلا(الدور الأول الخاص بالمرحلة الأبتدائية) وطبعا العمال يتركون المواسير والرمل والأسمنت في أي مكان وهذا يعرض الأولاد للخطر لأنهم طبعا بيلعبوا بالمواسير أوماتبقى منها ويستعملوها لضرب بعضهم بعضا والمصيبة انني ذهبت اليوم لأخذ أولادي وجدت أولاد أكبر منهم بيضربوهم بطريقة وحشية وغير أدمية ولم أجد أي مدرس أو مدرسة بيراقبوهم فأضطررت أن اصرخ للمساعدة ………طبعا هذه ليست أول مرة الأولاد يتعرضوا فيها للضرب من أولاد أكبر منهم وعدم وجود أي أشراف عليهم أنا لا أعلم ازاي دي مدرسة أصلا والمفروض في كاميرات تصوير بتصور كل جزء بالمدرسة ولكن دون جدوى ..أستحلفكم بالله أنا أولادي بيروحوا المدرسة وببقى خايفة أسمع خبر مش كويس عنهم وخصوصا انا عندي ولد منهم كان عنده كسر مضاعف وكان مركب شريحة وسبع مسامير ورجله ضعيفة ولن بتحمل أي ضرب من أي ولد …أرجو الأهتمام بشكوتي لأني حاسة ان صاحب المدرسة بنفوذه وفلوسه بيسكت أي حد من الأدارة التعليمية
شكاوي التعليم
فوضى مدرسة التربية الحديثة للغات بالمريوطية
اضيف بتاريخ: Friday, March 23rd, 2012 في 15:19
كلمات شكاوي المواطنين: الجيزة, مصر, وزارة التربية والتعليم
المدرسه متواضعه المستوي
ياريت حد يقولي رايه ف المدرسة لان كل الكلام دة من كذا سنة يا ريت حد يفيدني عن نضافة الحمامات و عدد الولاد في الكلاس
انا روح واقدمت لابن وسمعت اأنها مدرسة كويسه بس كلامكم ده أخاف منه ياريت حد يفدنى ويقول الحقيقة
مدرسة التربية الحديثة فوضى ادارية بكل المعانى, وده على فكرة مش بسيط لما النهاردة مشرفة الباص ترفض تدخل تاخد الولد من الشارع بتاعنا وعايزانى اطلعه الشارع الرئيسى وده حصل بدون مقدمات او اتصال مسبق يبقى اهمال وفشل ادارى. لان لو المشرفة دى كانت عارفة ان فى حساب ما كنتش تعمل كدة . المهم لما قابلت المسئولة عن الحركة قالت اصل انتو اتفقتو معايا على كدةودة طبعا محصلش هى بتستغل لما جوزى كان بيشرحلها العنوان ذكر الشارع الرئيسى كنقطة معروفة وكما ميس مها بنت صاحب المدرسة لم تحرك ساكنا بالعكس كانت شايفة انى متعصبة على الفاضى و المفروض اكون هادية
ده غير اليونيفورم اللى اتعذبت علشان اشتريه لان المسئوله باستمرار غايبة او قافلة غرفة الملابس
ولا الكتب اللى استلمناها بالقطارة ولغاية دلوقتى ما استلمش كتاب الماس و الفرينش و الكمبيوتر
يا جماعة اللى لسة بيفكر يدخل ابنه مدرسة ياريت يروح مدرسة تكون خبرة فى التعليم والادارة. مش تروحوا مدرسة يتعلموا فيكم زى ما حصل معايا و ادعولى احول منها على خير السنة اللى جاية.
الي ولية الأمر اللي بتشكي انا معاكي ميلون في المئة انا ابني فيkg1ومن بداية الدراسة وأنا كل يوم بشكوى شكل واروح المدرسة وإقابل مها البطران اللي هي بنت صاحب المدرسة ومفيد فائدة لدرجة أن الباص مرة نسي الولد ومجال يا خدة وأما كلمتهم ورحت المدرسة قال السواق المشرفة مجتش أعملكم اية يعني وأما طلعت أجيب اللبس قالتلك مفيش لسة مجاش ولما نزلت للمديرة بعت حد من عندها جابو بس يعني كمان مش عايزة تتعب نفسها وطلعو ولسة لحد النهاردة في لبس ناقص وكمان المدرسات ملهمش لزمة ابني مش عارف أي حاجة علي الرغم من انو كان كويس في الحضانه لحد قبل إالدراسة بأسبوع وكل مسالة خدت اية يقولي ولا حاجة ومفيش أي ملاحظات ليكتبوها زي كل المدارس المحترمة وآخر ها جالي عينة وصارمة كان بيبس من الشباك والمشرفة فتحت الباب الجرار بتاع الميكروباص خبط في راسة ولما سألتها قالتلي محصلش دة جزء بسيط من المعاناه وشوفت ناس كتير بسحب الورق بعد الدراسة بحوالي عشر أيام
سيدى العزيز صاحب الشكوى أنا ولى أمر تلميذ فى الصف الخامس الإبتدائى وهذه أول سنه له فى المدرسة فى الحقيقه الولد بيشكر فيها قوى خصوصا المدرسين وأيضا الحمامات
التاريخ 23/9/2012 Saad Osman
سيدتي الفاضلة واضح أن حضرتك بتتكلمي عن مدرسة تانية…أنا بقالي سنتين في هذه المدرسة ولا أجد أي مما تقولينه وعندي أولاد في مراحل ابتدائي وكي جي ….لو جيتي المدرسة على غفلة زي مابتقولي هتلاقي أولياء الأمور بيشتكوا لبعض من مشاكل كتير ليس لها حل.وعلى فكرة دي مش أول مدرسة أروحها وجربت مدرسة تانية مكنش فيها الأهمال ده …ومع احترامي الشديد مس مها مش دايما موجودة ساعات هي وساعات مستر محمود وساعات مش بلاقي حد أكلمه أصلا بس انا مش عارفة مين مس هبة دي؟؟؟ أول مرة أسمع الأسم ده والتليفون مش دايما بيردو عليه وكراسة المتابعة بردو مش دايما بيردو عليها …ع العموم واضح أن حضرتك مش بتروحي المدرسة كتير …أنا بروح كل يوم أخد أولادي والنهاردة بالذات في طفلة في كي جي أصيبت في رأسها وكانت تنزف بسبب المراجيح وحضرتك أسألي مس هاجر لو مش مصدقاني ووالدتها أخذتها على المستشفى لأن طبعا مش عرفة اذا كان في طبيبة في المدرسةو لا ..المشكلة اني خايفة على أولادي جدا ولا أهدف الى الأساءة لسمعة المدرسة كما تعتقد ادارة المدرسة …وفي النهاية بردو أحب أقول كل واحد وله وجهة نظر تحترم وشكرا
الى ولية أمر الطالب التي تشكوا من معاملة ادارة مدرسة التربية الحديثة المريوطية … مع احترامي الشديد لرايك … اخالفك الرأي انا ليه ولد في المدرسة في كي جي , ومتفوقف في المدرسة والحمد لله والمدرسات والمشرفات في غاية التنظيم والمتابعة حتى مبحتجش أروح المدرسة لما بيكون في حاجه بالتليفون للمدرسة او المشرفة او الادارة بتتحل فورا وبيتابعوها ده حتى مش بحتاج اتكلم في التليفون مجرد بعمل كومنت في دفتر المتابعة والشئ بيتحل ومستوى ابني التعليمي ممتاز جدااااا وبيوصلوا المعلومة بأكتر من طريقة علشان الولاد تفهم .
حتى سلوك ابني الاخلاقي المدرسة متابعاه لدرجة لما بيكون في مشكلة في اخلاق ابني في البيت المدرسة بتحلها وبتابعني في تعديل سلوك ابني ..
والمدرسة رحتها اكتر من مره فجأة كل حاجه تمام ولما بيكون عندي تعليق على حاجه في المدرسة بكلم مس مها وهيه فورا بتحلها ..
والكلام ده والله مش مجامله للمدرسة بس انا لمسته في المدرسة أنا ليه أصدقاء كتير في مدارس تانية مصاريفها اكتر من اللي قايلاه والله العظيم لا في متابعة في الدراسة ومستوى الطلبه سئ ومستواهم الاخلاقي أسوء ,مع انهم مدارس معروفه جدا وليهم اسمهم من زمان ولو قدرتي تقابلي المدرسيين في غير الايام المخصصة تبقي بطله , وطبعا المدير استحاله لازم تقدمي طلب الاول .
والمشرفات علطول بشفهم بره مع الولاد في البريك ووقت المرواح وطول ما الاولاد بره الفصل واكيد مش بيسمحوا بأي غلط لان ده مسؤؤليتهم وهيسألوا عليها وممكن تسببلهم مشاكل مع الادارة .
واخيرا ده راي في المدرسة من مجهوده مع الاولاد وده شهاده أسأل عليها … اخيرا احب اقول شوفوا المدارس الاخرى علشان تعرفوا قيمة المدرسة ده ومجهودها ….