انا ببعت شكوى علشان ننقذ مدرستنا – مصطفى النجار بمحافظة الاسكندرية علشان نوقف تحويلها من تجريبيى مميز الى تجريبيى عادى – علشان نحافظ على سعه الفصول زى ما هى متتحولش زى ما قالولنا النهارده فى وكاله الوزاره انها لو نزلت حتبقى 70 بنت فى الفصل الواحد فيا ريت كل اولياء الامور اللى هممهم مصلحه بنتحهم يتجاوبو معانا ويكون ليهم دور احنا ابتدينا النهارده وان شاء الله مكملين بس يا ريت نقف مع بعض وناخد موقف واحد
حرام اننا وافقنا ان اولادنا يدخلو سن كبير للمدرسه التجريبي وبنتحمل المصاريف بتاعتها علشان على الاقل اولادنا ياخده فرصه افضل لتعليم احسن
وفي الاخر عاوزين يخلو بشروط تعاقدنا وموافقتنا في البدايه بأن ندخل اطفالنا لتلك المدارس المميزه
والان يتم تحويلها الى عادي
استحلفكم بالله نريد ان نسمع شكوانا للجميع
شكاوي التعليم
وقف تحويل المدارس التجريبي مميز الى عادي
اضيف بتاريخ: Saturday, September 8th, 2012 في 06:18
كلمات شكاوي المواطنين: الاسكندرية, مصر, وزارة التربية والتعليم
انا بقى مصيبتي كبيرة انا بنتي في عصمت عبد المجيد هي بعيده عن مكان سكني بس قلت مش مشكله المهم ان سمعتها كويسه فوجئت لما دخلنا المرحلة الإبتدائية انها فاشلة جداً وبها عدة تجاوزات من حيث الكثافة وصل عدد التلاميذ في الفصل إلى 64 طالب وفي عجز في المدرسين وانا سمعت ان التجريبي العادي اتلغى وهما بياخدو مصاريف المميز لحد الأن رحنا وكالة الوزارة علشان يخلوها مميز بس بمعايير المميز اللي هي اهم بند فيها الكثافة من قبل الدراسة واحنا بنلف ومفيش فايده شكله كدى كله واكل مع بعضه لأن المديرة بتتكلم بمنتهى قلة الذوق وقالتلنا اللي عندكم اعملوه ودى ملوش غير معنى واحد ان كله ساند بعضه ((وحسبي الله ونعمة الوكيل )) المشكلة بقى نعمل ايه ونكلم مين وخايفين لو اتحولت عادي في مدارس عدى العدد لـ 120 طالب يبقى ايه الحل ..
يا ريت اللي عنده اي معلومات يفدنا بيها ميتأخرش
انا قدمت لبنتى تجريبى مميز فى طلعت حرب بطوسون لانها اقرب مكان ليه فى سكنى بالمندرة واشتريت اليونيفورم وكل حاجه ولسه مبلغينى النهارده ان المميز اتلغى مش من حقهم يلغوه كل واحد يدخل عياله براحته على اد ظروفه وبديل عنه الخاص وده غالى جدا عليه مش عارفه اعمل ايه واشتكى فين انا منهاره جدا بسبب الموضوع ده وهل ممكن يسيبونا نحول لعيالنا فى المميز الى ماتلغاش منه التمييز ولا خلاص اخدوا العدد بتاعهم