إلى وزارة الدفاع: إبنى عنده 19سنة متفوق في دراسته من الصغر حتى الآن، وطول عمره حسن سير وسلوك وجايب 94 % فى فنى خمس سنوات قسم الكترونيات.
ومافيش استاذ أو أستاذة اشتكو منه خالص ويتيم اب والده متوفى من هو فى عمر العشر سنوات وربيته هو واخته لوحدى دون تدخل من الأهل، واخته فى كلية اعلام.
المهم قدمتله فى المعهد الفنى للقوات المسلحة سقط سمات ليه؟ ده حتى جسمه رياضى 188 طول ووزنه مناسب لطوله ومتفوق، وانا متأكدة أن المعهد هينتفع منه جدا.
انا عاوزة اطمن عليه وسطكو معاكو هو وحيد ونفسى يبقى ابن مصر ارجوك انظر لشكوتى نظرة اب انا مش محتاجة تخفيض مصاريف ولا اى شيء، هشحت وادفع مصاريف المعهد كاملة.
لكن ارجوكو بلاش تكسرو فرحته ارجوك الفريق محمد زكى ارجوك سيادة الرئيس السيسى اعتبره ابنك نفسى افرحه عمره ما فرح والله.
شكرا لحسن استماعكم
