الى السيد مدير سنترال القلج / والسيد مدير سنترال الخانكة / والسيد مدير شركة الاتصالات المصرية شركة وي ….ظاهرة خطير من رجال الاعطال بالقلج لقيامهم بتوصيل الحراة لمن يتقدم بالشكوى مشكورين على ذلك ولكنهم يقومون بقطع الحرارة مرة أخرى لو لم يقوم صاحب الشكوى بدف فلوس لهم تحت بند الشاى أو الحاجة الساقعة ماهو المبدأ عندهم احنا حانجيب لك الحرارة ونشغلك النت ومش حانطلب فلوس ولكن اذا مادفعتش من نفسك حانقطع الحرارة مرة ثانية وروح بلغ واقعد لك أسبوع أو أسبوعين على الحرارة ماتيجى دا لو سالو فيك وللاسف اللى بيشجعهم على كدة المسؤلين فى سنترال القلج لانك بتروح تبلغ عن الاعطال هوه نفسه مش بيسال هوه العطل ده ماصلحش ليه بل يرد على العميل بان يوجد عطل فى البكس او الكابينة وسيتم اصلاحه. على كل حال نرفع شكوانا الى السيد مدير الاتصالات لان سنترال القلج مش مضبوط ومفيش مسؤل تعرف تكلمه دا غير لما تطلب مقابلة مدير السنترال يقول لك مش موجود.، فلوسنا بتاعة الشحن لنت بتضيع فى الهواء واولادنا عايزة نت للدراسة ، دا غير ان الفلوس اللى بيخدوها دى حرام فاين تقوى الله . الراجل بتاع الاعطال جائنى وجاب ليه الرحارة وشغل النت ولما لم أعطه فلوس بعد يوم واحد قطع الحرارة ، جارى تقدم بشكوى وجاء له ولما دفع لهم جابو له الحرارة وقال لى بالفلوس ياباشا ، كل شىء فى البلد دى تمشى بالفلوس ونحن نتوجه الى السيد وزير الاتصالات بهذه الشكوى كما نتةجه بها الى رئيس الحكومة عشان وجود ناس مفيش عندها ضمير ولاتراعى الله وبتقبل حرام وتاكل اموال الناس بالباطل تستغل الشعب الفقير والمغلوب على امره أغيثونا أغاثكم الله.
حسن محمود عبد الحميد بلتاجي
