نقابة للشيالين في مصر

بسم الله الرحمن الرحيم…اولا اهنئكم بالثورة وتحية لكل شهيد استشهد فى هذة الثورة ولولا هؤلاء الشباب ماكنت تجراءت وكتبت هذة الشكوى…اريد ان اتقدم اليكم جميعا بشكوتى او شكوتنا فنحن فئة لا يتحدث عنها احد نحن شيالين سوق الجملة بالمحلة  الكبرى محافظة الغربية لا يذكرنا احد سوى بالتجاهل الينا وكاننا حثالة فى هذا المجتمع .فنحن ليس لنا مرتب او دخل او اى شىء سوى شىء نسمية ارضية وهو ان نحمل للبياع الطرود وناخذ مقابل حمولتنا فقط وليس لنا شىء سوى هذة الارضية وهى تتقسم على حوالى 22رجل فى الوكالة ممكن يبقى25 وممكن يبقى30 واحيانا يزيد واحيانا كثيرة يقل ..وكدة احنا نحمد ربنا على كل شىء ولكن هل من المعقول ان لا يكون لنا علاج او مرتب او تامين ولما الواحد فينا يتعب يصرف منين طيب ممكن المعلم صاحب الوكالة يبعت للواحد مثلا 100جنية ودة بيبقى على فترات وهو مش مسئول انة يدفعلى الايجار اللى وصل الى300 جنية ودة طبعا بعقد مؤقت ودى مصيبة تانية اعانى منها انا والكثير والعقد بينتهى يزيد الايجار بعد تجديد عقد تانى.ودة طبعا بخلاف النور والمية اللى هما هم.اقسم بالله العظيم بانى كنت هااعتصم وفكرت فى دة ولكن هل من المعقول ان يكون دخلى يوم بيومة واقعد مضرب عن العمل طيب اصرف انا واولادى منين واصرف على بيتى منين وانا لى ثلاث اولا منهم اثنين فى التعليم الابتدائى والاعدادى والثالث طفل رضيع.قلت لنفسى ان اسلك الطرق المشروعة واكتب وانا متيقن بان كلامى ممكن ان يكون فقط على الكمبيوتر ولكن ياسيدى انا متيقن بان مصر فى ثوبها الجديدواذكركم باننا متعلمين نعم هو مؤهل متوسط ولكن اهوة .اتمنى ان تنزلوا سوق الجملة بالمحلة لتروا ان مااقولة صحيح .نريد ان نكون بنى ادمين لنا معاش نريد نقابة للشيالين لنا مالنا وعلينا ماعلينا.عنهم خالد الذوق بسوق الجملة بالمحلة الكبرى…..والسلام عليكم ورحمة اللة وبركاتة